Saturday, August 30, 2008

@@ رمضانيات .. اسرار.. الغاز .. واجبات @@


السلام عليكم

مبارك عليكم الشهر الفضيل وان شاء الله يمر على خير مع انى زعلان شويه لانى اول مره بنصيم بعيد عن أهلى .. يلا الشكوى لغير الله مذله ... المهم بما انه رمضان وجو مسابقات والغاز ... وصلنى واجب او *تاج* زى ما يقولو *تقرويطه* وقلت خليها لرمضان حتى ان صاحبت مدونة الفاصلة زعلت وتبو الحق قلت فرصه نغير الاجواء بعد الموضوع الاخير *باص عيون* يعنى والا انى مش متعلم نكتب موضوع كل اسبوع
فلهذا بنجاوب واجبى وامرى لله وأطمنى يا نسيم ليبيا ربحتى الرهان خلاص اهو جاوبت الواجب قبلك ... تى والله غير مزنوق* زى ما يقولو المصريين كان هذا خليته لين دار الصنه ... يلا خلونا نبدو فى الواجب مع انه والله واجب صعب لان واحد زى انى كل شىء يبان فى وجهه منين منلقى 6 اجابات امرنا لله

وهادى هيا الاسئله :
س : أذكر 6 أسرار قد لا يكتشفها من يقابلك أول مرة..:

السر الاول : نموت فى حاجه اسمها كرة القدم بس خساره قراية الطب خلتنا نتخلو عن الحلم هذا .. لكن الى الان مواضب عليها ونستغل فى اول فرصه لمزاولتها " فورزايوفى فورزا اهلاوى "

السر التانى: تجاه اصحابى الانتيم والناس اللى نحبهم ديما انى نسأل عليهم وندور فيهم حتى لو هما مش معدلين او بلاصح مش فاضيين لكن ع الناس اللى نحبهم مافيش ملامه يعنى من الاخر اللى ندير عليه كبيده معاش منخنس منه يعنى لا هدا جانى لا هدا ما جانيش مع الناس هادو ما نحسبش فيها

السر التالت : انى مانعرفش ندير شى فى المطبخ اللهم الا تسخين الماكله والا تطييب القهوه ولا دحى ماشى بالحجيبات ... قصدى بالورق اللى كاتبينه ليا اهلى وعلى سيرة الورق بنحكيلكم موقف مره مندير فاصوليا واهلى كاتبين كيف بندير بالحرف وخوك عبدالله فالح بالحرف نطبق امشى امتى ما طابت الفاصوليا استغربت فيها خيرها شكلها بيضا تقول مزوقينها طلعو اهلى ناسيين يكتبو الطماطم ... خليتها زى ما هيا ودرت دحيه وخلاص بعدين جى اللى معاى قالى انتا وين والتطيب وين ...انتا غير هنى على الدحى والطن قبل

السر الرابع : انسان مسالم لابعد درجه ومانحبش العياط والدوشه بس امتى ما تبدا مباراه تلقى كل الهدوء هذا فى خبر كان

السر الخامس : دهشتونى .... مممممم مجنون بحاجه اسمها بلاى ستيشن مع انى مانلعبش فيها الا اذا كانت كوره بس ... امتى ما نتلاقو نظمو حتى فى دوريات وكاس عالم واحلام يقظه هههه ... شكون يندرى مرات نشوفو ليبيا فى كاس العالم

السر السادس : واخيرا ... ماعنديش روح مع حاجه اسمها الكترونات باى انواعها ( برباش كبير ) نحط راسى براسها ... و
الفاصلة طلعلكم منافس ههههههه بنطيحلكم السوق بتاعكم youma لين نجيب خبرها

وتوا نجو الى شروط المسابقه

قوانين الواجب:

اولا : أذكر اسم من طلب منك حل هذا الواجب

الله يمسيها بالخير هنا بتاع مدونة الفاصله مش عارف شن مدايرلها بس اظنى مشت فيها ايبارى بعض الناس اللى هواهم عليل

. تانيا: حول هذا الواجب إلى ستة مدونين، وأذكر أسماءهم مع روابط مدوناتهم في موضوعك

تبو الحق خطرو عليا هلبه ناس بس كل واحد وظروفه يعنى وعن نفسى اخترتهم لسببين واحد زيادة معرفه بالمدونين الجدد والتانى شماته فى بعض الناس مع انه فى ناس طلعو منها بس لظروفهم زى
DTD . ANGLO . LIVINGPARADOX

نبدو فى السداسى بتاعنا

Sweet-kid اهلا بيك الى عالم التدوين والتقرويط

fragola لازم نرحبو بيك فى عالم التدوين والترحيب لازم يكون على اصوله

LIVE LIFE قالولى تبى عطله فى رمضان .. اهيا عطلتك

Deep inside حتى معاش تتشمتى فى يوما

alwafy بمناسبة افتتاح المدونه

Crowded Mind حتى معاش تشكى من الكميونتى

قبل لا ننسى قوانين الواجب:
1. أذكر اسم من طلب منك حل هذا الواجب
2. أذكر القوانين المتعلقة بهذا الواجب
3. تحدث عن ستة أسرار قد لا يكتشفها من يقابلك للمرة الأولى..
4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
5. اترك تعليق في مدونة من حولت الواجب عليهم، ليعلموا عن هذا الواجب

يـــــــلا ســــــلام ومبروك عليكم الشهر

50 comments:

  1. Asslamo alikom:
    Ramadan Mubarak, O kull sana O nta tayeb. Welldone cute and funny.

    gg

    ReplyDelete
  2. امممممممممم زيد شوف الواجب كويس يا عبد الله
    عادوه 5 مرات ونسقه كويس مرة تانية
    وحنشوفه تاني ونرد عليك عندك فرصة مش رح نرصد الدرجات
    ياله بمناسبة رمضان بس
    وكل سنة وانت طيب

    ReplyDelete
  3. ههههههههههههههههههههههههههه
    دير مدير والله ماك غالبني في الكتشافيتيات

    تخصص نجمة على فكرة بس راه ههههههههه

    مليحة تدبيسة ليندا

    خلينا نشوفو مزال متبيش تحل واجبات ولا لا

    وبعدين تعالى هني اه قصان علي بعض مفيناش.. تو اني نقولك مفيش خواطر فرمضان وفي تاجات واسئلة واجواء رمضانية تنوض تمشي تحطه عنوان بوست؟؟.. اه هكي مفيناش

    ههههههههههههه
    نبصر عليك حلال عليك

    مر من مدونتي واستمتع بصوت الدعاء الرائع

    ومش حتقدر تفوت يوم منغير متمر عليه وتسمعه

    رمضان كريم غدوة اول يوم فرمضان

    سلامي

    ReplyDelete
  4. صح نوم صح نوم راهو حتى الصحايف وزعناهم ونجح الي نجح وسقط الي سقط

    باهي على الأقل نكتبوا على ورقتك شكرا على المجهود

    سمعتي يانور..

    عالعموم صحيت على الإجابات ومعاش ادير روحك فالح و طيب مره ثانيه

    وان شاء الله كل عام حايين

    ReplyDelete
  5. كل سنة وانت طيب

    ورمضان مبارك

    بس ياعبد الله لو كملت طيبتك معاي وتغاضيت علية كنت راح ندعيلك ليل نهار

    بس توا راح ندعليك عالماشي هههههه

    نبصر عليك حتى انا
    بس مش راح ندير الواجب خخخخخخخخخ


    مش لحاجة بس لاني رفضته مليون مرة عيب لو بنديره توا





    عموما وتي روحك بنوتيلك تاج تاني

    بس مش راح تقدر تهرب منه لان حتى يوما معاي ههههه شفت الشطارة مش راح نخليلك فرصة تقولي انت مدرتيشي مش راح نديره

    بتدبس مع صحبة الكتشافيتي

    ربي يعينك



    تحياتي

    ReplyDelete
  6. صحيت عبد الله ترحيب و لا اروع!!! و انا اللي نحساب روحي كبرت على الواجبات رجعت فكرتني بهديكا الايامات
    ربي ما يردها
    بس امري لله
    سلام

    ReplyDelete
  7. Wishing you a wonderful Ramadan this year Abdullah !

    ReplyDelete
  8. Abdallah, is your head back to normal now? :o)

    thanks for changing the mood, that was fun to read but thank you for letting me off. not easy for me :o)

    Ramadan Kareem and keep blogging, you are very entertaining.

    ReplyDelete
  9. Asalam Alykum

    Ramadan Mubarik & May Allah Bless you and your family and forgive our sins, past, presnet and future

    RAMADAN MUBARIK

    Fe Aman Allah

    ReplyDelete
  10. Ramadan mobaark , i wish u a happy peaceful month, less headache, and more relaxing, hope to see u At the MBC answering all those questions and nasim libya by ur side to correct u. thanx for kepping me out of the blogs VS blogs , i did read them all. a shame .please visit الولى سيدى بن جحا و دعواتك لنا

    ReplyDelete
  11. Good girl oh thanx sis u 2 happy ramadan 2 u & ur family ... Now i understand evrything ya gg ... I apreciate tht ... Salam

    ReplyDelete
  12. عبد الله اجابات معقوله لكن نحس فى مزال شويا حاجات ما قلتهاش دسها ...... عموما رمضان مبروك وان شاء الله يعود عليك بصحه والسلامه

    ReplyDelete
  13. نسيم ليبيا شكرا ع المعايده يارفيقة التدوين بس الفاصله الوحيده لها الحق ف التقييم .. امشى جاوبى واجبك راهو الأبله مسمومه

    ReplyDelete
  14. يوما تى شكون قال نقدرك فى الكاتشفيتيات يا اسطى بورغى هههه اذا ع ليندا دواها عندى غير انتى بس مدلعتيها شوى .. بدون ماتوصى مدونتك بعد زنقتين من هنى .. سلام

    ReplyDelete
  15. العزيزه هناء " ان تصل اخيرا خير من ان لا تصل ابدا " ع الاقل وضعى احسن من هلبه ناس !! ولا غير هاذوكا ع راسهم ريشه .. مانعرفكش تفرقى قبل .. سايورنا من تعلمو ف الاخير بس شكلها معطله الدوه .. سلام

    ReplyDelete
  16. ليندا تى والله مانعرفك الجو هذا مشيه ع المصريين اصحابك اهنى انتى فى ارض ليبيه ياتنفدى يامقاطعه ومن الاخير هادى يبرا ومشت فيا ومش لازم نقولك من منى !! ونطمنك يوما ف صفى توا ف ماتحاوليش .. سلام

    ReplyDelete
  17. دكتورتنا ميمى هذا نوع من التنشيط للذاكره حتى اذا وقفنا عليك ف معلومه نلقوك جاهزه .. معاش ضيعى وقت وابدى جاوبى .. سلام

    ReplyDelete
  18. On d edge u 2 tagoria ramadan kareem o kol 3am u & moe b '7er salam

    ReplyDelete
  19. Anglo-L oh bro iam stll on d drugs haha ... Thanx 4 facebook wew ... Yeah bro i under stand ur point so i keep u away "wasta y3ni" salam

    ReplyDelete
  20. Akak u 2 ya ebn batota ramadan kareem .. R u stll n libya !! salam

    ReplyDelete
  21. DTD jst cuz u groom other than tht "no way" oh i dnt remember last post ... Realy i stll complain ... Salam

    ReplyDelete
  22. العزيزه مى على اساس قارئة فنجان الاخت ههههه لاحاجات ولاشى اسئلى العصفوره بتاعك وهيا تقولك .. سلام

    ReplyDelete
  23. معليش جيت متأخرة بس لأن رمضان مبداش عندنا مازال...
    الحمد لله بارك الله فيك الي طلعتني منها ياعبدو ياسرني واجبات.
    رمضان كريم وتقبل الله منا ومنكم صالح الأعمال وعفى عن سيئها.

    ReplyDelete
  24. السلام عليكم
    رمضان مبارك يا د.عبدالله

    والصراحة ليا قداش يوم وان متهربا من البلوق متاعك تي شنو هادا الواجب زعيمتك تبي تودني
    باهي اسمع في امكانيا يدير حد الواجب عليا حنحولا علي اسما كانهادا ؟
    لان الصراحة منعرفش شن حنكتب فيه

    كل عام وانت بخير
    وصحا شربتك
    في امان الله

    ReplyDelete
  25. ES ‏ ‏ لا متأخره ولا حاجه يا دكتور حتى سياتل بعيده هلبه علينا واذا ع الواجب درنالك واسطه المره هادى بس عشان بلاد العم سام .. يلا سلام CM الله غالب هادى القوانين ولا حتى انى زيك ع اساس نطرحو ف مواضيع هادفه جت علينا وماتحاوليش تتهربى اسما بروحها مدبسه "خلى روحك رياضيه وجاوبى" وتعيشى وتاكلى غيرها .. سلام

    ReplyDelete
  26. Ramadan Mubarak Abdullah to you and your family.

    ReplyDelete
  27. شكرا هدا جزائي اللى قتلك عالعطلة ..توا وقت المطبخ واليوم عصبان مش وقت واجبات ..بعد الفطور انشاء اللة ..كل عام وانت بخير

    ReplyDelete
  28. Ph ramadank mubark o kol 3am o enta b '7er ... Salam

    ReplyDelete
  29. Asma بعد الفطور قبله المهم تجاوبى مادخلنيش واذا ع العطله اهو حاجه تلهى فيها خيرلك من الكساد .. سلام

    ReplyDelete
  30. RAMADHAN KAREEM!!!
    كل سنه وانت بخير انشاء الله
    i liked ur post, ur answers to the questions...although i don't really get wat's going on but...good luck!

    i'm fasting away from my family too, but i'm trying to find a flight... i don't like it here!!

    anyways, wish u all the best...take care!!

    salam!

    ReplyDelete
  31. Dr.butterfly thanx sis 4 ur comment ... So we n same situation "bad" allah 'e u dr ... Salam

    ReplyDelete
  32. كل سنة وانت طيب
    حتي اني نبي واجب بس واجب ساهل
    لأن واجبات المطبخ مش مخليه عندي حيل لأي شيء ثاني

    ReplyDelete
  33. عبدالله امتي يجي دوري
    نخاف وقت يجي دوري ننشغل في حاجة ومعادش نحصل فرصة باش نجيكم بالواجب

    ReplyDelete
  34. عبد الله خلينا صحاب وياسلام علينا

    ويلي دار اليبرة متعدلش عليه يبي يفتن هههه

    انا منبيش نديره لاني رفضته مليون مرة عيب لو درته هالمرة


    استر علية بالله وفوتهم يلي عبولك راسك

    ومتخششناش بحكاية ليبيين وفبعض

    :)


    شن رايك

    ReplyDelete
  35. Weda ينعاد عليك rozaka‏ فى الاول بفكرتك بس قلت هادى ليها هلبه ما دخلتش بس اذا بتاخدى برأى فكك من التقرويط وخليك ف مطبخك احسن بس يلا الواجبات كاترات اليومين هاذو فى المدونات جايك دورك .. سلام

    ReplyDelete
  36. ليندا تى والله سرحت تانيتين ف كلامك على شوى قنعتينى بس مانعرفكش لاعيب ولاشى وانتى مش ع راسك ريشه قدرى حتى انا حسبناك وماتلومينيش اليبرا مفعولها قوى ... يلاجاوبى شحطيلى عروقى .. سلام

    ReplyDelete
  37. السلام عليكم، رمضان كريم وانشالله ينعاد عليك بالخير والبركة والصحة والعافية...
    اولا اسمحلي ان التعليق وصل متأخر بس اليوم كيف حصلت فرصة للنت،من رمضان وصيامه والطبخ ووو
    بالنسبة للواجبات والتقرويط ربي يساعدنا ويادكتور ماقصرتش حاطني في اول القائمة،،
    بس ولايهمك انا طالبة نشيطة ومجتهدة وحنحل الواجب بس ياريت تعطينا شوية وقت لأنه صعب"أكيد انت عارف" وعلى فكرة بعد نحله نبيك تقيمني"لأني من نوعية الطالبات اللي يحبن يعرفن كم جابن وكم ناقصهن ههههه"
    وسلام...

    ReplyDelete
  38. هع هع هع

    علامة على الشر المتطاير

    معليشي ليندا اليبرة مفعولها قوي شوية زي ماقال عبدالله

    صحة ليه طلع مينضحكش عليه
    هع هع هع

    حليه يلا

    كلهم حلوه
    ياسر دلع

    ReplyDelete
  39. بس نسيت نقول للعلم راه اني مش علخاطر باش نعرف نسيم ليبيا شكون تطلع لأني تقريبا عارفتها
    مش اسمها فيه w>s>ولا؟

    قصدي اني لي استغربت فيه انها قالت فكرتي عليك تغيرت واني نعرفها بس متعرفتش عليها شخصياً مزال وهذا لي لخبطني

    عبد الله مليلي الاسم وعليك مني نخلي ليندا تحط التاج

    لايمني انت على الاسم بس
    فيس يغمز

    تعرف حتى السودا انت اوه؟؟؟
    لالا هلبة هكي لو سمحتو محدش يجيب سيرة السودا احترموا غيابها

    سلامات

    صيامكم في الجنة

    ReplyDelete
  40. عبد الله

    دير ليوما باس متشوفش شن كاتبة

    والتاج مش حنديره خخخخ


















    شن رايك؟

    الحمد لله وافقت

    ReplyDelete
  41. Sarora_S.K
    هلا بأهل بنغازى كيف رمضان معاكم .. لا تأخير ولا شى أهم حاجه الواجب نبيه مجاوب .. والمفروض انتى اول وحده بما انك على رأس القائمه .. بس ما علينا عاذرينكم .. فيس بوك ومدونه وصيام هلبه عليكم ... سلام

    ReplyDelete
  42. youma
    اهو هع هع هاذى زادت تبتت المعلومه اللى عليك ههههه مش هلبه يعرفوها ... واذا على ليندا غصبن عنها رح تجاوب الواجب " ما نبصروش حنى " وبخصوص نسيم تى عادى خيرك مخضوضه المفروض تفرحى نسيم مافيش منها اتنين واذا على هاذى ساهله هونا ايميلها ضيفيها عندك وهيا تقولك واذا ما قالتلكش بعدها نوعدك انى نقولك .. لانى بصراحه نسيم ولائى ليها مالهوش حدود هههههه ... شنى متفاهمين يا يوما

    ReplyDelete
  43. linda
    ولو انى مافهمت شى يا مسز ليندا بس مع هذا الواجب رح اديريه ويوما مانردلهاش فى طلب انى ههههه ... جاوبى سلم وخيتى

    ReplyDelete
  44. عبد الله عندك واجب يستنا فيك دير طلع عليه مش تنسا وتقول مقالي حد

    ReplyDelete
  45. سلام
    الواجب مش ناسياتا بس اصبر عليا
    وبعدين فيه امكانيا اني ندير تعديلات زي شنو هيا اصعب 6 مواقف ولا اي حاجة تانيا عشان 6 اسرار هادا الصراحة متريحش يعيني معاش تتسما سر
    في امان الله

    ReplyDelete
  46. CrowdedMind
    تى خيرك يا دكتورتنا شحطينا معاك ههههه نبصر خودى راحتك خيتو بس ما تعطليش نبو نعرفو عليك اكتر ... حلوه فكره اصعب 6 مواقف بس ضيفيها للسته التانيين ههههه زدتى حصلتى روحك ... ادينا نستنو ... ســـلام

    ReplyDelete