Wednesday, September 3, 2008

@@ حـملـة فينا الخير .. شاركونا @@



بسم الله


اخوانى المدونين وغير المدونين المكتفيين فقط بتصفح المدونه


بما اننا فى شهر الخير شهر العطايا و الكرم حبيت ان نشارك ولو بالكتابه فى فعل شىء لاخواننا المحتاجين


أطلق المذيع الرائع احمد الشقيرى صاحب برنامج خواطر حملة فينا الخير وهدفها عمل مليون عمل خيرى فى شهر


رمضان المبارك


وسأترككم مع نبده عن الحمله وأهدافها

فكرة الحمله


الفكرة متمثلة في اسمها " فينا خير" وهى أن نؤمن بأن داخل قلب كل إنسان يوجد بذرة خير يريدها أن تخرج إلى النور لكن ينقصه التشجيع والهمة العالية. لذلك قمنا بعمل حملة "فينا خير" هدفها تشجيع الشباب للعمل الخيرى من خلال توعيته وإرشاده إلى الجهات الخيرية.هدف الحملة• وصول الشباب العربي لفعل 1,000,000 عمل خيري في شهر رمضان من خلال الجمعيات الخيرية

للمشاركة في الحملة

1. ابدأ في اختيار بلدك

2. ثم اختار العمل الخيري الذي تستطيع عمله والقريب إلى قلبك

3. ستجد معلومات عن كل الجمعيات والجهات الخيرية التي توفر ذلك العمل الخيري في بلدك

4. اتصل بالجمعية أو اذهب إليهم مباشرة لفعل ذلك العمل



وللمزيد من المعلومات هنا موقع الحمله علما بأنه توجد أسماء الجمعيات الخيريه حسب كل بلد






ســـــلام

39 comments:

  1. امراءة ليبيةFri Sep 05, 11:02:00 PM

    رمضانك مبارك وانشاء الله الجنة دارك,ومشكور جدا علي الدعوة لعمل الخير جعلها الله في ميزان حسناتك

    ReplyDelete
  2. السلام عليكم
    وكل عام وانتم بالف خير
    مشكور اخي الفاضل وبجديات فيك الخير لانك دليتنا ووجهت انظارنا لطريق الخير وان شاء الله بالتوفيق ليك ولكل من ساهم في انجاح هده الحملة
    ان الله لا يضيع اجر من احسن عملا

    ReplyDelete
  3. والله فيك الخير يا عبدالله
    ان شاء الله الكل يكون عندهم الهمة العالية لفعل الخير بهالشهر الكريم يارب

    وتحياتي الك وبارك الله فيك

    ReplyDelete
  4. بارك الله فيك يا عبد الله وجزاك الله عنا كل خير على هل الموضوع الى جى فى وقته ....

    ReplyDelete
  5. فيك الخير يا عبدالله
    بس نقولك حاجة اني مش مقتنعه بجو الجميعات الخيرية الي في بلادنا
    نقولك علاش في هلبة نساء نعرفهم اشتركوا فيهم وبعد فترة سيبوهم لان في جو النفخه وجو التباهي فسط الجميعة الي جانب انهم مايلبوش حاجات الناس - يعني مرات يعطوا للعائلات المحتاجة في فلوس وهما مايعرفوش كيف يصرفوا هالفليستا فتلقوهم يصرفوهم مره وحده ومن غير وعي واكثر حاجاتهم الضرورية مايشورهاش وراء تبزعيقهم لهالفيسات في حاجات كامليات

    اني نحب الي يلموا في فلوس ويشروا بيهم مثلا زيت وطماطم وقضية رمضان للناس المحتاجة ولما يقرب العيد يعطوهم فلوس او يلفوا علي المحلات الي تبيع ويقوللهم شنو رايكم تزكوا علي محلاتكم لو بتلقطوا فلوس او احني نقوللكم علي عنواين لناس محتاجة انتم امشولهم وشوفهم لان النصابين كثروا وعندهم الحق مايصدقوش اي حد يبي يلقط فلوس للمحتاجين

    فكرتي وصلتكم اني في الخدمه لو حبيتوا اديروا اي تجمع

    ReplyDelete
  6. فيك الخير وبيك و منك ......يابوعقل اكبر من سنك............بارك الله فيك

    ReplyDelete
  7. السلام عليكم أخي عبدالله،
    اولا بارك الله فيك وفي كل من فكر بهالحملة وكل من سعى إليها،
    وبرنامج "خواطر" من افضل البرامج والمقدم "أحمد الشقيري" جزاه الله ألف خير ،
    بس المشكلة اللي ديما نعانوا منها اننا في المواضيع هذين فيما يخص الدين والأسلام نتحمسولهن حماس كبير وكل حد يتمنى انه يقدم شيئ بس للأسف الحماس هذا يكون لفترة محدودة وبعدين ينتهي، فنحن نحتاجوا لتذكير دائم في مثل هذه المواضيع، وانشالله ربي يقدرنا على فعل الخير والسعي إليه، وأكيد مش شرط انه يكون عن طريق جمعيات خيرية او اي جهة اخرى يعني كل حد فينا يقدر يقوم بعمل الخير في اي مكان...
    بارك الله فيك ياعبدالله وجعله في ميزان حسناتك.

    ReplyDelete
  8. بعيدا عن كلام ان الحملة جيدة وفكرة رائعة و و و و
    لو في خطوة ايجابية وسريعة بما اننا في شهر رمضان الفضيل والعيد علي الابواب والمدارس كذلك بالفعل نحن في حاجة لدفعة للامام وليس للكلام
    عبد الله نحتاج لفعل اللي عنده فكرة يقولها واللي يقدر ويعرف ناس محتاجة يقول وهكذا ومعتقدش ف حد يمانع من فعل الخير
    طبعا مش تشهير هو عمل خيري سري والاجر عند الله

    ReplyDelete
  9. السلام عليكم

    بارك الله فيك عبد الله ..في الواقع بوركت على هذه الخطوه
    حتى اني كنت نفكر علاش احني كمدونين ليبين منديروش جمعيه خيريه علاش نراجو فيها من برا

    وبالنسبه لتعليق

    LoveLyH
    اكيد هني حيبان الخط الفاصل بين الي يدريها لوجه الله وبين لمدايرها للسمعه
    احني من شويه كنا نهدرزا في الخدمه على جمعيه خيريه فيها صاحبتنا
    مستحيل لو تسمعوا الي سمعته.. بنيات يكفلوا في ايتام
    اعمال خير ماشاء الله تبارك الله
    بجد تعالوا دورو على النماذج هادي

    وهيا نبدو بعمل ايجابي

    ReplyDelete
  10. ربارك اللة فيك وفكل حد وراء هالعمل
    بس ياريت الموضوع يستمر ..وليس محدود بشهر رمضان بس

    ReplyDelete
  11. اني حطيت تعليق هني منعرفش وين مشي

    على كلا

    الله يجازيك على قد نيتك
    ويكتبلك الخير

    وان شاء الله فميزان حسناتك

    هناء
    ممكن تعطينا اي معلومات زيادة بخصوص النقطة لي اترثيها

    لو عندك اي معلومات علي العيلات هادي وكيف الواحد يقدر يساعد مباشرة ياريت تخبرينا

    ReplyDelete
  12. إمراءه ليبيه ... شكرا لمرورك وتشريفك لمدونتى ... رمضانك كريم

    ReplyDelete
  13. صاحب الظل الطويل ... نورت المدونه وان شاالله كلنا أهل لفعل الخير ... سلام

    ReplyDelete
  14. حنان ... البركه فى أهل الخير وأكيد إنتى منهم وان شاءالله ربى يقدرنا على فعل الخير ... سلام

    ReplyDelete
  15. أهلا مى .. نورتينا وربى يزيد أهل الخير .. سلام

    ReplyDelete
  16. هيبو ... كلام صح بخصوص اللى مدايرين الجمعيات الخيريه للوجاهه الاجتماعيه بس لكن اذا تبى اديرى الخير وما عرفتيش كيف يكفى تمشى قدام الجمعيات هاذو وتشوفى اعداد الناس الواقفه اللى تستنى فى دورها صراحه منظر مؤلم وكأننا مش فى ليبيا بلد النفط والخيرات ... سلام

    ReplyDelete
  17. ويدا ... الجمله هاذى بالذات ماتمشيش إلا معاك والدليل المواضيع اللى تكتبى فيها فى مدونتك يا أم عقل أكبر من سنك

    ReplyDelete
  18. سارور ... كلامك صح بس الحمله هاذى للناس اللى تبى ادير الخير ومش عارفه كيف يعنى حاجه زى توجيههم الى المكان المناسب بدل البحت عن الناس هاذو بالعكس تلقاهم قدامك من خلال الاماكن هاذى

    ReplyDelete
  19. نسيم ليبيا ... بجد مشكوره ع حماسك واذا تحبى تساعدى ادخلى ع الموقع وادخلى ع الجزء الخاص بليبيا ورح تلقى اسماء وعناوين وأرقام الجمعيات هاذى وأمشى بنفسك وشوفى الناس المحتاجه بأم عينك عن نفسى شفت مناظر يقشعر لها البدن وأكيد وقتها رح تقدرى توصلى مساعدتك بنفسك وتتأكدى من وصولها الى الناس المحتاجه ..

    ReplyDelete
  20. العزيزه هنا ... هنا النقطه الفاصله لأن الكل يبى يدير عمل خير بس ناقصه الدافع او التوجيه الى اماكن الناس هاذو فلهذا حبيت نساعد بالبوست هاذا

    ReplyDelete
  21. اسما ... ياريت كل السنه ع كلامك احنى غير قلنا فرصه شهر رمضان يزيد فيه فعل الخير

    ReplyDelete
  22. يوما ... مره تانيه تأكدى من نشر تعليقك قبل ماتطلعى ... حنقولك نفس كلام نسيم عندك الموقع وفيه العناوين وأرقامهم ف ليبيا .. امشى بنفسك وتلقى قوائم بالناس المحتاجه اذا حبيتى تساعدى بنفسك وتتأكدى من وصول مساعدتك

    ReplyDelete
  23. hana
    اني حكيتلك عن قصص لناس تربطنا بهم صلة قرابه وصدالقة عائلية يعني الدوه هادي اصيره في هلبة نساوين اشتركوا في جمعيات خيرية وبعدين طلعوا منها لسباب ان اصحاب الجمعيات مايعرفوش كيف يديروا الجمعيات بطريقة صحيحة وسليمه


    اما عبد الله
    صدقني ياوخي مش كل الي يلتم قدام الجمعيات الخيريات محتاجين اني في سنة 2000 -2001 كنت نشتغل في الضمان وخدمت علي مساعدات العيد الصغيرة في رمضان يجوني نساوين لابسين في ايديهم طابور حدايد ذهب وبالفم الميان يقولولي نبوا نشروا حوايج ب300 دينار
    اني راني اخصائية اجتماعية ونعرف هلبة ناس محتاجين مقعميز في حياشهم عزة نفسهم تمنعهم يزاحموا في الطوابير متع الجمعيات وتلقي نصفهم ياخدوا فمعاشات وصغارهم يخدموا
    زي المرا الي توقف في شارعنا وقت مرت ريتها واقفه قدام حوشها وشفت ولدها يسوق في سيارة فخة انصدمت
    توقف تساسي وفي الاوقاف تزاحم وفي جمعية هناء نشوف فيها توا بالله عليك توا بتصقها هاد مازال
    صدقني الناس المحتاجة قاعده في حياشها
    ومتحشمين يطلبوا او يقولوا اعطونا
    والطوابير الي تشوف فيها لنساوين يسمعوا من بعضهم عن المساعدات وياخدوا ف فلوس بي

    مبالك بناس يخدموا ف التضمان يطمعوا في هالمساعدات ويجيبوا ف كتيبات خوتهم باش يحصلولهم مساعدات من 150 ل200 دينار
    وحتي الاقاف لو تمشيلهم حايقولوك نفس كلامي هدا


    تحياتي

    ReplyDelete
  24. Ramadan Mubarak Abdullah and thank you for the initiative.

    ReplyDelete
  25. السلام عليك أخي عبد الله وصحة شريبتك
    الكلام اللي قلته أنا نأيدك فيه جداً
    ونقطة تانية نحب نضيفها، لازم الواحد ما يتحشمش من انه يقدم الامور البسيطة والحاجات الصغيرة، يعني لو ما عنديش فلوس ما نقعدش نتفرج الا ما نلقى حاجة في دولابي في كجري ، شنطة ، لبسة ، وفي الاخير لو كان نقسم من عشاي ونبعت لحد عارفه انه مصكر بابه عليه، ولو حتى هذي ما قدرتهاش حتى الضحكة في وجه المحتاج والترحيب بيه ان شاء فيها الاجر
    المهم الواحد يتباعد عن الرياء والنفاق ويقدم عمله خالص لوجه الله، وما حد ضامن الدنيا شن يصير فيها ممكن الغني اليوم فقير بكره وما يلقى الواحد قدامه الا العمل الصالح
    ربي يتقبل طاعاتكم

    ReplyDelete
  26. اني في الخدمه لو حبيتوا اديروا اي تجمع
    أو اي نشاط خيري
    ومش دوه بس
    انتوا قرروا واني معاكم

    ReplyDelete
  27. كلام جميل و أنشاء الله يتحقق و فى الشهر هدا الاجر أيكون بلزايد

    ربي أيعاون

    فى أمان الله

    ReplyDelete
  28. كلام جميل و أنشاء الله يتحقق و فى الشهر هدا الاجر أيكون بلزايد

    ربي أيعاون

    فى أمان الله

    ReplyDelete
  29. good on you Abdallah
    good luck and Allah with all that try to help.

    ReplyDelete
  30. Highlander ... U 2 ramadank mubarek o kol 3am o enta tayeb

    ReplyDelete
  31. هيبو ... عارف كلامك صح والناس اللى ذكرتيهم موجوده بس برضو ف ناس بجد محتاجه بس احنى كيف بنعرفوها وياريت انتى تساعدينا فى هالنقطه لأن فى هلبه مدونين أبدو استعدادهم بس بس ناقص التنسيق مع المحتاج ومع المتبرع وكل واحد يقول اذا ف حاجه انى جاهز !! ...

    ReplyDelete
  32. هيبو ... عارف كلامك صح والناس اللى ذكرتيهم موجوده بس برضو ف ناس بجد محتاجه بس احنى كيف بنعرفوها وياريت انتى تساعدينا فى هالنقطه لأن فى هلبه مدونين أبدو استعدادهم بس بس ناقص التنسيق مع المحتاج ومع المتبرع وكل واحد يقول اذا ف حاجه انى جاهز !! ...

    ReplyDelete
  33. كريمه الفاسى ... هنا مربط الفرس أختى الفاضله لأن ف ناس مفهومها يانتبرع بمبلغ كبير يا لا !! متناسين انا حتى الابتسامه ف وجه المسلم صدقه ... شاكر لك مرورك

    ReplyDelete
  34. Akak ... We try 2 help cuz some ppl need just push 2 do tht so we try 2 inspire him anglo-ly .... Thanx bro ... Tht's calld blogger wrld inspiration

    ReplyDelete
  35. منور يا عبد الله تستاهل كل الخير وكل الخير يستاهلك أهنيك بعيد ميلادك

    ReplyDelete
  36. سأل عثمان كيف تكون أنت صحابي مع إنك غني, فنحن فرسولنا فقير وعلي وعمر فقراء فقال ما ذنبي إذا تصدقت بالدرهم رزقني ربي عشرة

    ReplyDelete
  37. riyadh
    مشكور لمرورك بين مدونتى اخى الكريم

    ReplyDelete
  38. السلام عليكم ورحمة الله وبركاته

    في البداية اشكرك على هذه البادرة الطيبة وان دلت على شيء فهي تدل على بذرة الخير الموجودة بداخلك.
    لي مداخلة بسيطة تتعلق بالجمعيات الخيرية ..لاشك ان الكثير من اصحاب الايادي البيضاء ترغب في عمل الخير وتقديم المساعدة للمحتاجين ولكن المشكلة تكمن في كيفية وصول هذه المعونة للشخص المناسب والذي هو في امس الحاجة لها فمن خلال تجربتي الشخصية وجدت ان بعض الجمعيات لا تقوم بواجبها بالطريق الصحيح فمثلا تجد الملابس المستعملة مكدسة في حجرة صغيرة والناس تتهافت عليها والله اعلم هل هم في حاجة لها ام لا, ناهيك عن اشتراك الشخص المتقدم لاخذ المعونة في اكثر من جمعية الامر الذي يجعل حصته تتضاعف على حساب الاشخاص الاخرين وكذلك بعضا من المتقدمين لاخذ المعونة هم ليسوا بحاجة شديدة لها في الوقت الذي ترى فيه اسر فعلا بأمس الحاجة ولا يصلها شيء!! وانا هنا لا اشكك في مصداقية نية هذه الجمعيات على الاطلاق لانهم على حد علمي يحاولون القيام بما يجب ولكن الامر محتاج الى رقابة ونظام اكثر ,من جهة اخرى لا ننسى ان المتبرع هو الاخر يكافح ويشقى من اجل المال (( يعنى لم يأته على طبق من فضة)) فهو الاخر من حقه ان يطمئن ان ماله قد صرف على الوجه الصحيح .... وهذا كله لايمنع الانسان من المبادرة ولو بالقليل . وبالنسبة لكيفية الوصول لهذه الطبقة الفقيرة فهذه اما ان تكون بزيارة المساجد والسؤال و توصية اشخاص معروف عنهم الامانة عن اماكن تواجد هؤلاء العوائل ,,كذلك الجامعة فيوجد الكثير من الطلبة لا يستطيعون دفع ثمن كتب التعليم او يرهقهم ثمن المواصلات وهؤلاء كثر كذلك الاحياء الشعبية والتى بها كثافة سكانية عالية وهي معروفة جدا فهذه نسبة العائلات الفقيرة تكون بها كثيرة,,, ولاننسى المناطق النائية والبعيدة والتى قد تنقصها الكثير من الموارد ,,,
    والله يوفقكم لما فيه الخير.

    ميار

    ReplyDelete
  39. اهلا ميار وسعيد بتواصلك مع مدونتى .. أوافقك الرأى أختى المشكله ف كيفية وصول المتبرع للناس المحتاجه فعلا ولعل الجمعيات يكون دورها تنظيمى أكتر ومعتمدة ع الإعانات ولكن بالنهايه هى تدار من متطوعين .. لعلك اترت نقطة مهمه وهى السؤال بالمساجد عن المحتاجين .. سلام

    ReplyDelete