Thursday, May 28, 2009

@@ !! هـــايــم وبنت العيـلــة الفـــلانيـــة @@



كيف تبينى نجيكـ وانتى يلى غدرتـى بيا ...
بعد هجرك وبعدك هذا واكتر يلى صار فيا
كنت نحسابك بالحق سعادتى وبهجتـى بايامى المنسية ...
طلعتى تعاستى ونكبتـى فى دنيا حياتى المقضية
شن نبى فيك توا بعد ما رموك ليا عظم !! ...
وانى اللى كبرتك وخليتك فرس فى جنان حوشنا جنان حوش البوسعدية
مانى اللى يتزلبح ويحن بعدها يا بنت العيلة الفلانيـة ...
رانى ولد اجواد زى " الجمل " ما ينسـى ينقرص مره مو من مية 100

دورى ع غيرى وانسى واحد كان ينقالـه " هايم " فيا ...
انى هايم توا فى بلادى هى بـس يلى تعز عليا
بلادى ومافى غيرها قدرت تصطادنى وتوقع بيا ...
ونبقـى حبيبها ومحبوبها ومن هالكلام كلام الرومانسية
فى الجديد قررت.. بنحب المغربية والعراقية وكانا فى حتى اردنية ...

احسنلى من هالليبية ام عشر اصحاب وكانا تلقى حتى مية!!
نصيحتى ليك يا بنت العيلة يـ أم شهادة جامعية ...
اعقلى وأركزى وديرى لروحك قيمة شوية
سكرى نقالك " وفـلـترى " إيميلك وريضى الدوه شوية شوية ...

تو تلقى بابك كل يوم ما يهدأ.. تقول باب " نانسى العجرمية "
الكل طالب ودك وقربكـ وآآآآآهــــــ منك وووووك عليا ...

وقتها بس
انتى اللى تختارى وتتشرطى يا بنت العيلة الفلانية
-----------------------------------------------------------------------------------------
قفلـــة
الشخصيتان هايم والفلانية من وحى خيال الكاتب وليس بالضروره ان تكون التدوينة تعبر عن واقع الحال


abdullah alshrief

هــايــم فـى حـب بـــلادى

salam ...

19 comments:

  1. السلام عليكم


    الليبية ياهايم ما تهون عليه

    ولا كيفها روسية ولا كورية

    دونك غير ركز شوية

    ونقص من شروطك القوية

    وفتش بفتاشة الى هية

    وانت تلقى بدل من الوحدة مية

    غير طلبك ليها يكون بجدية

    وربى هو الى عالم بنية

    والحاجة بعون الله مقضية

    و هذه نصيحة ميوشية

    من وخيتك الصغيرونة العلانية

    بنت العيلة الفلانية


    ميوووش

    ReplyDelete
  2. تبي الحق شوره قلبك مليان لين خلاص ربي يهدي سرك

    بس نهنيك ع حاجة انك استفزيت ميوش لين ورتنا شطراتها في نسج الكلمات


    ميوش ماشاء الله تبارك الرحمن كلماتك مية مية

    عبد الله ابحث ولاتيائس مش مشكلة ف الجنسية لا المشكلة ف العقلية


    الباين شتشهد هذه الصفحات اشياء نثرية شعرية ف القريب

    دمت بخير

    ReplyDelete
  3. عبودي ........

    غر منو بس هادي هئ هئ هئ
    نقولك مش عيب اي وحدة عندها أصدقاء المهم ميفوتوش الخطوط الحمراء
    شورك مفتش حتى ايميلها هكي طلعت فيها مخبر سري كبير

    يلا سلام عبودي

    ReplyDelete
  4. حقا نسيت بنقولك حتى إنت نقص شوية مكثرها

    شنو حلال عليك حرام عليها
    مدامك انت عادي تعرف حتى هي عادي تعرف مش ملووووون
    اكتفي بوحدة توة تكتفي بواحد ههههههههه شعار جديد

    ههههههه

    شوفتني انا نقول كلام الحق حتى لو وجاع ياعبودي

    ReplyDelete
  5. عبد الله.. ماشاااء الله وين كان هذا كله..

    ربي يحفظك..

    بس اه خيرلك راهو هكي الليبيات بيزعلوا..

    صوابع ايديك مش زي بعضها..

    والكويس والمش كويس في كل مكان..

    نتمنالك كل الخير..

    ودامت ابداعاتك..

    ايه نسيت نقول..

    ميوش .. والله الا عبد الله قدر يطلع مواهبك حتى انتي..

    ماشاء الله عليكم الاثنين..

    ReplyDelete
  6. ليبي متحندب
    السلام عليكم
    جزاك الل خير
    زنزيد نقول في غير المغربية والعراقية ف السودانية بنت النيل الي ربي ذاكره في سنة الحبيب سيدي وسيد الخلق عليه الصلاة والسلام وفي غيرهم بنات بونا ادم يستنوا في من يدلهم علي الطريق الي رؤبي عطاها لبنات حواء الليبيات والمسلمات وداسوها بالمسلسلات الماجنه والهابطة الي مشكبه ابليس لعنه الله ويلعبوا بيها الليبيات وجيرانهم من المسلمات ربي يحفظ هالبنات الي خايفين يعصوا الرحمن من الليبيات وخوتهم والمؤمينات اي معبين في كل بلاد ربي يكثرهم ويحفظهم ويزيد منهم ويركب الشييب في الليبيات متع عندي صاحب والثاني يقد يجري والثالث مش عارف الوقت الي يبي يعطي الرقم والا الايمل متعها وهايم في ام خطوات متع الي غوي بونا ادم وامنا حواء واحبتها جابلها المترندي متعها نقال بو 5 ميغا لقاط فيه النغمه متع السكيرة واحده منالماجنات ترن وتتحدا في الرحمن وتحلل في كلام البشر وناسيه يوم لحساب ونقوللها في والله بكستانيات امالزفره زي ميقولوا خووتنا الليبيين حافظها الرحمن واكبر دليل خير سافري وشوفيهم كيف معبين المساجد في بلاد السام واوربا وحتى فيالبلاد ربي يحفظهم ويركب الشيب في المستهترات الي ناسين كلام المولى عز وجل ومغير جوهم بالموسيقى وكلام شياطين الانس متع الشيطان الي مشكيهم بي شكوبه يلعبوا فيها الليبيات والي زيهم متع الشكايب متبيعين الموسيقى والمسلسلات وناسين ان باب التوبة يتسكر فجاه والسكره متع الموت الي مافيش حد حيهرب منه تجي من غير ما تستاذن وتقوا الطليع يا روح من غير متقدري ان تقولي ستنه شويه يا ملك الموت غير نبي نتوب يا الله وين ماشيه مع خوتي الممينات الي سبقوني ولا مع عبدة الشيطان
    والله فرة مزالت الموت ماجتش
    خلي نتوب
    ويفر بيه
    كل ليبي
    حبوب
    يخاف علي خوته
    الليبيات
    وميبيش يبدلهم
    بغيرهم من بنات حواء
    وغير يستنى
    في الي توب
    لان مافيش حد يخلى من العيوب
    ويارب حببنا للتوبه
    مش نكون احسن ام علي وجه الارض
    واللهم صلي وسلم على سيدنا محمد عليه الصلاة والسلام
    و سبحانك اللهم وبحمدك اشه ان لا إله الا انت استغفرك واتوب اليك
    السلام عليكم

    ReplyDelete
  7. ماشاء الله ..لما كنت نقرا في البداية تصورت انها تكون منقوله ..بصراحه عندك موهبه واضحه ومش اي حد يقدر يوزن الكلام ويجيبه في معناه هكي
    وانهيك على اختيارك للموضوع ،
    من رايي تاخذ هالبوست وتعلقه في بيبان كفيتريات الجامعه خلي كل بنت تحط عقلها في راسها وتعرف كيف هي نظرة الشاب ليها
    صح ولا ^_^

    ونقولك لا إدور علي البنت المغربيه ولا المصرية
    دور علي بنت العيله وام الأصل في المفصل
    وعلي قولة المثل
    عليك وعلي ولد وبنت الأصول راهو الزمان يطول

    :)

    ReplyDelete
  8. ياسلاااااااااام شنوو هالابداع يا عبد الله وين كان مدسوس


    اما بالنسبه لميوش فأنا مصدووووووومه
    يا عيني عليكم انتو الاتنين فجأه هكي طلعت مواهبكم و لا كنتو خايفين من العين؟؟؟؟


    عبد الله زي ماقالولك الحكايه مش في الجنسيه الحكايه في الاصل و التربيه
    اخي عبد الله ربي يطيحك في بنت الحلال

    ReplyDelete
  9. اوووووووووووووووه يا عبدالله والله انك رهيب
    اول مرة اقرا شي وجد جد جد بدون مزح ولا مجاملة عجبني كتيييييييييير وحسيت بكل كلمة
    بس من ايمتة بتكتب خواطر؟؟؟
    اسمع مني مافي حد بستاهل والي بيروح بيجي بدالو الف احسن منو اسمع كلام اختك حنو الي اكبر منك والي ببيعك بيعو واشتري بدالو شي قميص ولا بنطلون احسنلك هههه
    بمزح معاك
    بس جد الي ما بيعرف قيمتك هلا ما حيعرفها بعدين خليك قوي واكبر من اي شي تافه بتواجهو بهالدنيا

    تحياتي الك يا دكتووووووووووووورنا

    ReplyDelete
  10. may
    ايه ده يا بنتى !!
    مواهب مكبوته مدفونه خرجت بعد طول انتظار
    وتبقى الليبية هيا امنا واختنا وخالتنا وعمتنا وما نلقو زيها

    ســـلام

    ReplyDelete
  11. Nasimlibya
    ما اظنش يا نسيم بلادى العليل هيا مره والسلام

    غيداء التواتي
    مش انى هذا واحد تانى وشن ايميلها وما ايميلها اشاعات ره ما تصدقيش

    NuNa
    مرورك الاجمل

    ReplyDelete
  12. فــاتن
    اسعدنى مرورك وحنقولك زى ما قلت لمى تبقى الليبية اختنا وامنا وخالتنا والباهى والشين فى كل مكان

    Anonymous
    وجهة نظر نحترمها

    hana
    نصيحتكـ من ذهب خيتو هيا بس مجرد فضفضات وكلمات مش بالضرورة تمس الواقع

    ReplyDelete
  13. Meme
    اشرقت وانورت ... هذا مش انى راه هذا واحد تانى يهدرز بروحه هههههه وماليناش الا الليبية بالنهاية

    حنان شلبي
    انت فينكـ يا بنتى !! نورتى والله
    حنبدلوه ما تخافيش بس مش لدرجة بنطلون هههههه

    ســــلام

    ReplyDelete
  14. Are you sure the characters are not fictional

    Anyway

    Pain is apart of life and it makes us appreciate the better things in life

    PS: No love like the love of a Libyan Girl :) and no girl in the world compares to the Libyan girl …. Just a reply to the Iraq, Moroccan verse

    &

    WE NEED MORE POSTS FROM YOU ABDULLAH

    Fe Aman Allah

    ReplyDelete
  15. السلام عليك
    كيف حال؟

    كلامات جميله ومتناسقه
    من غير جدال في بوست
    اليبيه مشكي علي اغلب

    سلامي
    دكتور
    اختك
    فتاة من زمن اخر

    ReplyDelete
  16. a_akak
    hey bro " wenk !!" even u need more than explanation 2 wat hapen 2 ur blog !!

    Are you sure the characters are not fictional
    lolz ... sure

    yp libyan gurl s da best " who " say vice tht *_^


    holyday
    وينك يا بنتى خديناكـ بعين الباين هذا كله قراية لا وسنة رابعة سنة خامسه شن بديرى يعنى !! انشطى شوية وورينا جديدكـ

    سلام

    ReplyDelete
  17. السلام عليكم
    ماشاء الله علي الابداع أنا الحق مهناك شئ معاك
    ميمي مي نسومه خلاص سلمت رفعت الراية
    بس منو هيا اللي خلاتك تبدع هكي بس
    وديما كلمة نقول فيها الالم دموعه دائما صامتة علي الرغم من كثرتها
    استودعك الله

    ReplyDelete
  18. واووووووووو


    ضربت الوتر الحساس :)

    بس بجد روعة الترتيب والمعنى يلي بالوسط واووو

    نهنيك

    ReplyDelete